II ENCONTRO ENTRE AS PERSOAS ASOCIADAS AO BANCO DO TEMPO

II TEMPO-COMÚN ENTRE AS PERSOAS ASOCIADAS E/OU INTERESADAS

O Banco Municipal do Tempo do Concello de Ourense organizou para o pasado mércores día 12 de xaneiro nas dependencias da Concellaría de Igualdade ás 19:30h. o seu segundo encontro, ao que se convida mensualmente a todas as persoas asociadas a compartir en común o seu tempo. Presentáronse ás novas persoas asociadas e/ou que viñan por vez primeira a un encontro, comentouse como foran os primeiros intercambios, as novas expectativas que poideran xurdir, etc. Finalmente, boa parte das persoas asistentes interactuaron entre si para levar a cabo unha ampla variedade de intercambios (reparación dunhas bicicletas, nocións básicas de informática e/ou introdución ás novas tecnoloxías, confección dun disfrace de entroido, confección dun labor de costura, realización dun porte, etc.). Ademais, un grupo de persoas asociadas xa acordaron levar a cabo un pequeno “obradoiro de agricultura”, que está aberto a toda aquela persoa socia que queira unirse e participar.

II TEMPO-COMÚN ENTRE AS PERSOAS ASOCIADAS E/OU INTERESADAS

                                                                                                                     

II TEMPO-COMÚN ENTRE AS PERSOAS ASOCIADAS E/OU INTERESADAS

12/01/2011

19:30h

 Concellaría da Igualdade. Rúa Concordia  núm 20,  entresollado esq. 32003-Ourense

E-mail: concelleriamuller@ourense.es.;  Tfno: 988/ 37.44.01 Fax: 988/21.64.41

I ENCONTRO ENTRE AS PERSOAS ASOCIADAS AO BANCO DO TEMPO

I TEMPO-COMÚN ENTRE AS PERSOAS ASOCIADAS E/OU INTERESADAS

O Banco do Tempo do Concello de Ourense, que botou a andar a comezos do mes de novembro e xa conta con máis de dez persoas asociadas, organizou para o pasado mércores 1 de decembro o “I Tempo-común entre as persoas asociadas e/ou interesadas” que tivo lugar nas dependencias da Concellaría de Igualdade ás 16:00h onde estes puideron coñecerse, interactuar entre si, intercambiar coñecementos, afeccións, aptitudes, necesidades, etc. Actualmente, aglutina xente de moi diversas idades e algunhas persoas xa se comprometeron a realizar algún intercambio, sendo polo momento a informática unha das actividades máis demandadas e as reparacións no fogar unha das máis ofertadas.